Afhayeenka Guddiga Farsamada Maamul-u-sameynta gobollada Mudug iyo Galgaduud Sheekh Cumar Cali Rooble oo u warramayay Idaacadda Shabell ee magaalada Muqdisho ayaa sheegay in meel wanaagsan uu u marayo shirka Cadaado.

Cumar Cali Rooble ayaa tibaaxay in ay socoto xareynta odayaasha iyo ergooyinka dooranaya madaxweynaha maamulka gobollada Mudug iyo Galgaduud.

“ waxaan diyaar u nahay in aan ka qancinno  cid kasta wax tabaneysa oo ka mid ah ka qeyb galayaasha shirka degmada Cadaado” ayuu yiri Sheekh Cumar Cali Rooble.

Maalmihii la soo dhaafay ayaa waxaa degmada Cadaado ee gobolka Galgaduud ku sugnaa wasiiro ka tirsan Xukuumadda Federaalka Soomaaliya kuwaas oo u kuur galayay habsami u socodka shirka maamul-u-sameynta gobollada Mudug iyo Galgaduud.