Guddiga qaban qaabada Doorashada Madaxtinimo ee dalka Soomaaliya ayaa waxa uu soo gaba gabeeyay qabashada Araajida Musharixiinta u taagan qabashada Madaxtinimo ee dalka Soomaaliya.

Guddoomiyaha Guddiga qaban qaabada Doorsahada Madaxtinimo ee dalka Soomaaliya Maryan Cali Khaasin oo la hadashay Warbaahinta ayaa waxa ay sheegtay inay aad ugu faraxsan tahay in lasoo gaba gabeeyo qabashada Araajida Musharixiinta u taagan xilka Madaxtinimo ee Soomaaliya, iyadoo xustay in dadaal badan loo sameeyay arrinkaani.

Sidoo kale Guddoomiye ku xiggeenka Labaad ee barlamanka Soomaaliya Mahad Cawad oo isna goobta ka hadlay ayaa ku dhawaaqay 10-ka Musharax ee ugu horeysa oo maalinta biri ah qudbado ka hor jeedin doona barlamanka Soomaaliya.

Liiska Magacyada Musharixiinta u taagan qabashada xilka Madaxtinimo ee Soomaaliya.

1-C/raxmaan Macalin Baadiyow

2-C/waaxid Cilmi Goonjeex

3-C/llaahi Axmed Caddow

4-C/wali Maxamed Cali Gaas

5-Maxamed Cabdulaahi Farmaajo

6-Axmed Ismaaciil Samatar

7-Xasan Sheekh Maxamuud

8-Shariif Sheekh Axmed

9-Yuusuf Garaad Cumar Axmed

10-Cumar Salaad Cilmi

11-C/raxmaan Maxamed Cabdi Xaashi

12-Bashiir Nuur Xasan Bidaar

13-Xaaji Maxamed Ismaaciil Yaasiin

14C/qaadir Cosoble Cali

15-C/raxmaan C/shakuur Warsame

16-Xuseen Khaliif Jaamac

17-Maxamed Axmed Saalax

18-Salaad Cali Jeelle

19-Ibraahim Cali Xuseen

20-Saciid Ciise Maxamuud

21-Cismaan Maxamed Gacal

22-Maxamed C/llaahi Oomaar

23-Maxamed C/wali Sheekh Yuusuf

24-Maslax Maxamed Siyaad Barre

25-Zakariye Maxamuud Xaaji Cabdi

Si kastaba waxaa jira Musharixiin badan oo ku sugan Magaalada Muqdisho ee Caasimadda dalka Soomaaliya kuwaasi oo aan maanta lagu soo qorin Liiska Musharixiinta soo dhameystiray Shuruudaha.