Xildhibaan ka tirsanaa xildhibaannada cusub ee barlamaanka Soomaaliya laguna magacaabi jiray Mustaf M. Cabdullaahi ayey xalay maqribnimadii waqtiga Muqdisho koox bastoolado ku hubeysan kudileen agagaaraha gurigiisa degmada Waaberi ee magaalada Muqdisho.

Dilka xildhibaankan ayaa ku soo beegmay xilli ay dialalka qorsheysan ee ka dhaca magaalada Muqdisho ay maalmihii u dambeeyey soo kordhayeen, hase ahaatee waxaan weli si dhab ah loo ogeyn cidda ka dambeysay dilkiisa, ayadoo aysan jirin cid weli si rasmi ah u sheegatay.

Raggii dilka u geystay marxuum Mustaf Xaaji Cabdullaahi ayaa dilka kaddib ka baxsaday goobta, ayadoo ciidamada ammaankuna ay sheegeen inay ku raadjoogaan raggi falkaasi foosha xun ka dambeeyey, ayna ku rajo weyn yihiin in la soo qaban doono.