Madaxweynaha Jamhuuriyadda Soomaaliya Prof. Xasan Sheekh Maxamuud ayaa dhambaal Hambalyo ah ka helay madaxweynaha Faransiiska Francois Hollande xilli ay sii kordhayaan madaxda caalamka ee usoo hambalyeeyneysa madaxweynaha J.F.Sooomaaliya ee la doortay.

Madaxweynaha Faransiiska ayaa ugu hambalyeeyay madaxweynaha J.F.Soomaaliya guusha uu ka gaaray doorashadii taariikhiga aheyd ee ka dhacday Muqdisho 10-kii Bishan Sebtempar.

Francois Hollande madaxweynaha Faransiiska ayaa dhambaalkiisa ku xusay in dowladda faransiisku ay garab istaagidoonto dowladda Soomaaliya waxa uuna shacabka Soomaaliyeed ku boorriyay in ay si wadajir ah uga wada qeybqaataan horumarka dalkooda iyaga oo ka faa’iideysanaya fursdda qaaliga ah oo ay heystaan.