Waxa subaxnimadii maanta magaalada London ee waddanka Ingiriiska (UK) ku geeriyootay Allaah ha u naxariistee fannaanadii weyneyd ee Qaranka Faadumo Qaasim Hilowle oo ka mid ahayd fanaaniintii ugu waaweyneyd hobollada Waaberi.

Marxuumad Faadumo Qaasim Hilowle ayaa waxa geerideeda saxaafadda u sheegay xubno ka tirsan eheladeeda, ayagoona sheegay in ay xanuunsaneysay muddo toddobaad ah.

Maamulka Shabakadda SilGor.com waxay ummadda Soomaaliyeed, hobollada Waaberi iyo eheladii marxuumadda uga tacsiyeynayaan geeridii naxdinta leh ee ku timid fanaanadda Faadumo Qaasim Hilowle, waxayna Allaah uga baryayaan inuu ka waraabiyo Jannadii Fardowsa, eheladeediina uu sabar iyo iimaan ka siiyo.