Madaxweyhana Jamhuuriyadda Soomaaliya oo ka hadlay arrimo badan ayaa sheegay in dowladda ay goor dhow ay dib u billaabi doonto howl galladii aragagixisada dalka looga saari lahaa isagoo dhinaca kale sheegay in Hubka magaalada lala dhex maray la jooji si aysan shacabka dhibaato u soo gaarin.

Madaxweynaha Jamhuuriyadda Soomaaliya mudane Sheekh Shariif Sheekh Axmed ayaa ka hadlay howllaha dowladda hor yaalla gaar ahaan arrimaha ammaanka waxa uuna sheegay in dowladda uu saran yahay waajibaad weyn waqti kooban ee ay dowladda haysato.

Madaxweyne Shariif ayaa tilmaamay in dowladda ay dajisay qorshayaal badan oo wax looga qabanayo amniga dalka isagoo xusay in goor dhow ay dib u billaabanayaan howl galladii dalka looga xureenayo Al-Qaacidda Al-Shabaab kaasi oo lagu baahin doono gobollada dalka oo idil.

Mudane Sheekh Shariif ayaa soo haddal qaaday xaaladda ammaan ee dalka gaar ahaan caasimadda wadanka ee Muqdisho waxa uuna sheegay in Hubka magaalada lala dhex marayo in uu yahay mid dhibaato xooggan u geeysanaya shacabka iyo dowladda islamarkaana uu horey dhaawac uga geytay dadka Soomaaliyeed.

Madaxweynaha ayaa intaa raaciyay in aysan dowladda aqballi dooni arimahaasi oo saraakiisha ciidamada looga baahan yahay in xaqiijiyaan ammaanka si shacabka dhibaato aysan u soo gaarin.