Ciyaaryahan Magac Daahir oo uu qoorta dhaawac ka soo gaaray
Ciyaaryahanka Kubadda Miiska ee
wadanka Holland Magan Daahir Yuusuf ayaa galabta gelinkii danbe waxaa uu
shil weyn ku galay waddada furan ee Gobolka Fryslan ee uu ka degan
yahay Wadanka Netherlands,waxaana uu shilkaasi galay kaddib markii uu
gaarigiisa uu ku dhacay gaari kale oo si qalad ah u soo taraaray,isla
markaana sababay inuu ciyaaryahan Magan Dahir ka baxo waddada oo dhan.
Magan waxaa dhawac kasoo gaaray dhinaca qoorta,waxaa burburay
baabuurkii uu lahaa,gaarigaasi oo ah kuwa ugu qaalisan ee wadanka
Holland laga wato,waxaana inta badan ku socda ciyaaaryahanada sida Magan
oo kale ah iyo dadka hantida leh.
Waxaa deg deg kusoo gaaray goobtaasi ciidamada shilalka
wadooyinka,kuwaasi oo ula cararay isbitaalka weyn,iyadoo meeshaasina
laga jiiday gaarigiisii oo burburay,waxaana wadada inta baaritaanka
socday laga joojiyey baabuurta kale.
Sida
ay kusoo waramayaan qeybta warbaahinta u qaabilsan Ciyaaryahan Magan
dahir oo saxaafada kala hadlayey caafimaadka Ciyaaryahankan Somaliyeed
ee u ciyaara xulka qaranka Holland ee kubada miiska ayaa sheegay inuu
caafimaadkiisa fiican yahay,iyagoo intaasi ku daray inuusan iminka
saxaafada la hadli karin.
Tv-yada ugu waa weyn Dalka Holland ayaa waxaa laga soo deynayaa caawa
wararka ku aadan shilka Ciyaaryahanakan Caanka ah ee somaliyeed,
laakiin u ciyaara Holland. Sawirrada laga soo qaaday Ciyaaryahan Magan
Dahir ayaa muujinaya in dhawac kasoo wajahay dhinaca Qoorta,taasi oo
keentay in loo xiro qalabka qoorta isla markaana laga ilaaliyo inuu
sameeyo dhaqdhaqaaq badan.
Wadanka Holland oo iminka uu ka bilowday qaboobihii ayaa waxaa kusoo
badanaya shilalka noocan oo kale ah,waxaana gobolka iminka uu shilka ku
galay Ciyaaryahan Magan lagu tiriyaa gobolka ugu Barafka badan
Netherlands.
Ciyaaryahan Magan waa Ciyaaryahankii Somaliyeed ee ugu horeeyey ee
ciyaarta miiska ka ciyaaraha qaarada Yurub,isagoo waliba matalaya
wadanka Netherlands,waxaana uu dalka uu degan yahay ee Holland lagu
tiriyaa kuwa lagu xisaabtamo,dhawaan ayaa la siiyey abaalmarinta
ciyaaryahanka ugu wanaagsan Netherlands.
Wixii warar ah ee kusoo kordha dhawaca Caawa soo gaaray
ciyaaryahankan Magan Dahir Yusuf oo shil ku galay gaarigiisa.waxaan idin
kusoo gudbin doonaa wararkeena danbe.
Abdi Jama Madoobe