Maamulka gobolka Banaadir ayaa shaaca ka qaaday in dib loo howlgaliyay Bacadlaha weyn ee
dagmada X/weyne oo mudooyinkii ugu dambeeyay ay ka socdeen howlo dib loogu
dayactirayo.
Shir jaraa’id oo uu maanta ku qabtay xarunta Bacadlaha dagmada X/weyne
Afhayeenka gobolka Banaadir Maxamed Yuusuf Cusmaan ayaa waxa uu sheegay in dib
loo howlgaliyay Bacadlaha kadib markii munaasabad baqtiyaa nasiib ah oo lagu
qabtay Hotelka City Plaz ee magaalada Muqdisho lagu siiyay fureyeesha in ka
badan 500 oo qofood.
Sidoo kale afhayeenka ayaa carabka ku dhuftay in mudo 50 maalin ah uu yahay
lacag la’aan si ay ganacsatada ugu diyaarsanadaan ganacsigooda, waxa uuna
intaasi raaciyay in ay heshiis la galeen shirkad ay leeyihiin ganacsato
Soomaaliyeed oo lagu magacaabo MMC taas oo dayactirtay xarunta bacadlaha.
Bacadlaha dagmada X/weyne ayaa waxaa uu ka koobanyahay 2056 Qol waxaana
dayactirka xarunta iska kaashaday maamulka gobolka Baandir iyo shirkad ay
leeyihiin ganacsato Soomaaliyeed oo madaxbanaan.