Pro. Xasan Maxamuud (Xasan Jaamici) oo ka mid ah aqoonyanada Soomaaliyeed ee ku sugan dalka
Mareykanka islamarkaana waxa ka dhiga jaamacad ku taala dalka Mareykanka oo
Radio Muqdisho la hadlay ayaa sheegay in uu si wayn u ayiday shirka bisha June
ka dhacaya magaalada Muqdisho Soomaaliyana ay aayaheeda ka tashato, isagoo
tilmaamay in la doonayo in laga shaqeeyo waxa walba oo uu dalka u gaari karo
nabad.
Pro. Ayaa carabka ku dhuftay in laga fogaado waxa ka hor imanaya danaha
Soomaaliya hadana aan la lumin jaaniska ay shacabka Soomaaliyeed ku soo
ceshanayaan Qaranimadoodii waxa uu hoosta ka xariiqay in aan loo bahneen wax
laga yimid labaatan sano ka horin lagu laabto.
Arrinta ku saabsan shirka bisha soo aadan ka dhacaya magaalada Muqdisho ayaa
waxa horey si wada jir u soo dhaweeyay Aqoonyahanada, Culumo udiinkam,
Dhalinyarada, odyaasha dhaqanka iyo Siyaasiin Soomaaliyeed oo ku sugan gudaha
dalka iyo dibadiisa, iyadoo ay jaaliyadaha Soomaliyeed ee ku nool wadamada
caalamka ay sheegeen in ay fidinayaan taageero ficil ah.