Wasiirka Arrimaha Gudaha & Amniga Qaranka: Iskaashi halaga sameeyo xaqiijinta ammaanka Muqdisho
 Wasiirka Arrimaha Gudaha & Aminiga Qaranka ee Soomaaliya mudane
Cabdisamad Macallim Maxamuud ayaa ka sheegay kulan uu la qaatay Maamulka
gobolka Banaadir, hay'adaha ammaanka, guddoomiyeyaasha 16-ka degmo ee
gobolka Banaadir iyo saraakiisha Xoogga Dalka sida loogu baahan yahay in
la sugo ammaanka magaalada Muqdisho.
Wasiirka ayaa sheegay in
sida ugu wanaagsan ee ay u sahlanaan karto sugidda ammaanka caasimadda
ay tahay in wada shaqeyn buuxda ay dhex marto hay'adaha ammaanka, Xoogga
Dalka iyo maamulka gobolka Banaadir iyo degmooyinka 16-ka ah ee uu ka
kooban yahay, si loogaga hortago falalka amni darro ee ka jira Muqdisho.
Maalinimadii
shalay ayey ahayd markii wasiirku uu ka qaybgalay kulan lagu qabtay
xarunta gobolka Banaadir, kaasoo ay ka soo qaybgaleen mas'uuliyiin ka
kala socotay wasaaradda arrimaha gudaha, maamulka goblka Banaadir iyo
saraakiisha ciidamada ammaanka, loogagana dooday sida wax loogaga qaban
karo amni darrada mararka qaar ka jirta magaalada Muqdisho
Hadalkan ayaa waxa uu imaanayaa xilli shalay
kullan looga hadlayay ammaanka Muqdisho ay ku yeesheen Saraakiil Ciidan,
Maamulka gobolka iyo Hay’adaha ammaanka kaasi oo diiradda lagu saarayay
xaqiijinta ammaanka Muqdisho oo maalmihii dambe ay falal ammaan darri ka
dhacayeen.
Add New Comment
|
|
|