Baarlamaanka Jamhuuriyadda Federaalka Soomaaliya ayaa maanta kulan ay uga doodayaan dib u eegista qodobbo ka mid ah dastuurka ku yeelanaya Xarunta Golaha Shacabka ee magaalada Muqdisho.

Xildhibaanada ayaa iminka u diyaar Garoobaya in ay ka qayb galaan kulankaasi oo ay ku falaqeyn doonaan qodobada Dastuurka ee ay Ansixiyeen ergada gaaraysay 700 ka Xubnood.

Shalay ayaa Warsaxaafadeed ka soo baxay Xafiiska Warfaafinta Baarlamaanka lagu sheegay in kulankaani uu Muhim u yahay guud ahaan Shacabka Soomaaliyeed iyadoo war saxaafadeedka lagu sheegay in loo baahanyahay in dhammaan Xildhibaanada Soomaaliyeed ay ka soo qayb galaan.

Dhanka kale Kulanka Maanta ayaa la filayaa in ay ka qayb galaan dhammaan Gudiyada Madaxa Banaan ee soo dhiran dhiriyay qodobada uu ka koobanyahay Dastuurka.

Guddoomiyaha Baarlamaanka Soomaaliya Jawaari ayaa shacabka Soomaaliyeed u sheegay in si dhow ay ula socdaan hanaanka looga doodayo qodobada Dastuurka.