Sida ay kuwaramayaan wararka ka imaanaya Gobolka Galgaduud ee Bartamaha Soomaaliya ayaa sheegaya in Ciidamo Jabuutiyaan ah oo qayb ka ah Ciidadamada AMISOM ay maanta gaareen deegaanno iyo Degmooyin ka tirsan Gobolka Galgaduud.

Ciidamadani oo ka baxay Magaalada Baladweyne ee Xarunta Gobolka Hiiraan ayaa socod dheer ku maray inta u dhexeysa Magaalada Baladweyne iyo Magaalada Dhuusamareeb ee Xarunta Gobolka Galgaduud.

Ciidamadani ayaa waxaa si weyn loogu soo dhaweeyay Degmada Guriceel ee Gobolka Galgaduud iyadoona ay si weyn halkaasi ugu soo dhaweeyeen Maamulka Gobolka Galgaduud oo uu ugu horeeyo Guddoomiyaha Gobolka Axmed Yuusuf Xasan iyo Odayaasha dhaqanka Degmada Guriceel iyo weliba qaybaha bulshada Kunool Degmadaasi.

Intaasi kadib ayaa Ciidamadu waxa ay u amba bexeen Magaalada Dhuusa Mareeb ee Xarunta Gobolka Galgaduud iyadoona safarka ay uga Amba bexeen Degmada Guriceel uu ku wehliyay Guddoomiyaha Gobolka Galgaduud iyo Xubno ka tirsan Gobolkaasi.

Saraakiisha iyo Ciidanka Jabuuti iyo weliba Maamulka gobolka ayaa daqiiqada ka hor gaaray Magaalada Dhuusamareeb ee Gobolka Galgaduud halkaasi oo si weyn ugu soo dhaweeyeen qaybaha kala duwan ee bulshada ku nool Magaaladaasi.

Ciidanka Jabbuuti ayaa fariisimo ka sameystay Kontaroolada laga soo galo Magaalada Dhuusamareeb iyadoona Saraakiisha Ciidanka Jabuuti ay kulamo la qaadanayaan qaybaha Bulshada Magaaladaasi kuwaasi oo ay kala hadlayaan sidii ay kala qayb qaadan lahaayeen sugida Ammaanka Magaalada Dhuusamareeb ee Xarunta Gobolka Galgaduud.