Madaxweyne Shariif oo maanta kormeero ku tagay qeybo ka mid ah Xeyndaabka Muqdisho+Sawiro
Waxaa Madaxweynaha ku wehliyey kormeerkiisa Wasiirka Arimaha Gudaha
Wasiirka Caafimaadka Wasirul Dowlaha Madaxtooyada iyo Wasiir ku
xiggeenka Gaashaandiga.
Saldhiga Ciidamada Daraawishta ee Sarandi ayuu Madaxweynaha salaan kaga
qaatay ciidamada Daraawishta , waxaana halkaas ku soo dhaweeyey
taliyihii hore ee ciidamada booliska Soomaaliyeed .Madaxweynaha ayaa
sidoo kale waxaa halkaas lagu tusiyay gaarigii isku qarxiyey banaanka
xeraadaas bishii la soo Dhaafay.
Madaxweyne Shariif Sh. Axmed ayaa sidoo kale kormeeray Isbitaal Martini
qeybihiisa kala duwan halkaas oo ay warbixin ku siisay Agaasimaha
Isbitaalkaas Dr: Caasho Cumar Axmed. Madaxweynaha ayaa mid mid u
salaamay bukaano jiifay isbitaalka, kana balanqaaday in ay Dowlada
shacaabkeeda Soomaaliyeed daaweeyneyso.
Madaxweynaha ayaa salaamay naafadi dagaalkii 77 isaga oo kula dardaarmay
in ay dadaalkooda sii wadaan oo ay maskaxdooda ku kaalmeeyaan dalkooda.
Ugu Danbeyntii Madaxweynaha Jamhuuriyada Soomaaliya ayaa waxaa uu
booqday Saldhiga Ciidamada AMISOM halkaasna waxaa u salaan kaga qaatay
Ciidamada Midowga Afrika ee ku sugan Dalka Soomaaliya.
Xafiiska Warfaafinta Madaxtooyada
Add New Comment
|
|
|