Madaxweynaha Jamhuuriyadda Soomaaliya Mudane Sheekh Shariif Sheekh Axmed iyo Wafdi uu hogaaminayo oo maanta ka ambabaxay magaalada Muqdisho ayaa gaaray Magaalada Addis Ababa ee xarunta dalka Itoobiya.

Wafdi uu hogaaminayo Madaxweynaha Dowladda Federaalka KMG ah ee Soomaaliya Sheekh Shariif Sheekh Axmed oo barqanimadii maanta ka duulay garoonka Aadan Cadde ee Muqdisho ayaa ka degay garoonka caalamiga ah ee magaalada Addis Ababa.

Booqashada wafdiga Madaxweynaha ee Addis Ababa ayaa ka dambeeysay kadib casuumaad rasmi ah uu ka helay R/wasaaraha Itoobiya Milas Zenawi.

Wasiiru dowlaha madaxtooyada Soomaaliy C/raxiin Cabdi Abiikar oo la hadlay warbaahinta markii uu wafdiga Madaxweynaha ka ambabaxay dalka ayaa xaqiijiyay in Madaxweynaha uu kala hadli doono mas’uuliyiinta dowladda Itoobiya arrimo ay ka mid yihiin amniga, siyaasadda iyo sidii looga dhabeyn lahaa qorsheyaasha ay ciidamada Amisom kadamacsanyihiin gobollada laga saaray Al-qaacidda oo ay howlgalladooda ka qeybqaateen ciidamada Soomaaliya iyo kuwa Itoobiya.

Booqashada Madaxweynaha Soomaaliya iyo wafdigiisa ayaa qadan doonta muddo hal maalin ah iyadoo dowladda Itoobiya ay ka mid tahay dowladaha deriska ah ee ka caawiyay ciidamada dowladda sidii gobolladda dalka qaarkood looga ciribtiri lahaa maleeshiyaadka kooxda Al-qaacidda.