TACSI - geerida Marxuum Cumar Axmed Radwaan raximahullaah


inaalilaahi[1][1].jpg

MARXUUM.jpg

Waxaa maalinnimadii sabtida oo ay taariikhdu ahayd 23-ka bishan aynu ku jirno ee Luulyo shil gaari oo ka dhacay magaalada Brescia ee dalka Talyaaniga ku geeriyooday Allaah ha u naxariistee marxuum Cumar Axmed Radwaan.

Marxuum Cumar Axmed Radwaan ayaa ahaa 20 jir arday ah oo deggan xaafadda Salo ee degmada Brescia, waxna ka baran jiray Jaamacadda Brescia sanadkii koowaad ee Kulliyadda Dhaqaalaha (Economia Commercio), waxaana shalay oo arbaco ahayd lagu aasay qubuuraha muslimiinta Brescia.

Geerida naxdinta leh ee ku timid marxuum Cumar Axmed Radwaan ayaa waxaa loogaga tacsiyeynayaa hooyadiis Aamina Maxamed, eheladiisii iyo asxaabtiisaba.

Waxaana tacsida diraya Jaaliyadda Soomaaliyeed ee magaalada Brescia ee waddanka Talyaaniga, kuwaasoo marxuumka Allaah uga baryaya inuu ka waraabiyo Jannadii Fardowsa, eheladii uu ka baxayna uu sabar iyo iimaan ka siiyo. AAMIIN - AAMIIN - AAMIIN - AAMIIN-

Diyaarinta : Cabdullaahi Maxamed Sheekh (Fiisow)

Add New Comment