Ku-xigeenka ra'iisul-wasaaraha Turkiga oo maanta soo gaaray Muqdisho


Bekir.jpgWafdi uu hoggaaminayo ku-xigeenka ra'sul-wasaaraha dalka Turkiga ayaa maanta duhurnimadii ka soo degay garoonka diyaaradaha caalamiga ah ee Aadan Cadde ee magaalada Muqdisho, waxaana wafdiga Turkiga si diirran halkaasi ugu soo dhoweeyey ra'iisul-wasaaraha Soomaaliya iyo xubno ka tirsan golayaasha dowladda.

Ra'iisul-wasaare ku-xigeenka Tirkiga Bekir Bozdag iyo wafdigiisa ayaa waxaa loo gelbiyey xarunta Madaxtooyada Jamhuuriyadda Soomaaliya halkaasoo ay wada-hadallo ay la geli doonaan madaxda sar-sare ee Dowladda KMG ee Soomaaliya la filayo inay uga billowdaan.

Ma aha markii ugu horreysay ee wafdi heer sare ah oo ka socda dalka Turkiga ay soo gaaraan magaalada Muqdisho, kol hore ayey ahayd markii ra'iisul-wasaaraha dalkaasi Mr. Ordagan iyo wafdi heer sare ah oo uu hoggaaminayey ay soo gaareen Muqdisho, sidoo kalena waxa jiray in wasiirka arrimaha dibedda ee Turkiga uu asna hadda ka hor yimid caasimadda Soomaaliya Muqdisho.

Add New Comment