Kullankaani oo ay leeyihiin Madaxda Ururka Midowga Afrika ayaa maanta waxa uu si toos ah kaga furmay Magaalada Addis’ Ababa ee Xarunta dalka Ethiopia halkaasi oo ay xaadir ku yihiin inta badan Madaxda Dowladaha Afrika.

Kullanka ayaa diiradda lagu saari doonaa arrimo dhowr ah sida Iskaashi Dowladaha Afrika ay ka sameeyaan dhibaatooyinka ka taagan dalalka qaar ee dhaca Afrika, sida is qab qabsiga labada Sudan, taageeridda howlgallada Midowga Afrika ee Soomaaliya, iyo muranno ka jira biyaha Wabiga-Niil ee mara qaar ka tirsan Wadamada dhaca Afrika.

Shirka ayaa waxa ka qeyb galay muddo 7-sano kaddib markii ugu horeysay Madaxweyne uu leeyahay dalka Masar Max’ed Mursi kaasi oo la filayo in uu kullamo la qaato shirka kaddib Madaxweynaha Dowladda KMG Soomaaliya Sheekh Shariif Sheekh Axmed.

Lama shaacin xilliga uu soo gaba gaboobayo shirka, hase ahaatee markii uu soo gaba gaboobo ayaa la filayaa inay kasoo baxaan qodobo iyo go’aanno la xiriira ajandooyinka looga hadlay shirkaasi.