Casho sharaftan ayuu madaxweynuhu ku maamuusay howlihii adkaa ee ay xildhibaannada barlamaanku soo qabteen muddadii afarta bil ahayd ee uu jiray barlamaanka cusub ee Soomaaliya iyo sidoo kale xiritaanka kal-fadigii koowaad ee mudanayaasha, ayadoo xildhibaannaduna ay haatan gelayaan fasax.

Xafladda ayaa waxa ka soo qeyb galay madaxweynaha Jamhuuriyada Federaalka mudane Xasan Sheekh Maxamuud, gudoomiyha Baarlamaanka mudane Maxamed Sh Cismaan Jawaari, R/wasaaraha Xukuumada mudane Cabdi Faarax Shirdoon ‘’Saacid’’, mudanayaasha Baarlamaanka ee cashada loogu talagalay iyo qaar ka mid ah xubnaha golaha wasiirada.

Cashada kadib waxaa la guda galay khudbadihii loogu talagalay kulanki xalay waxaana ugu Horeynti ka hadlay qaar ka mid ah mudanayaasha Baarlamaanka oo uga mahadceliyay Madaxweynaha kulanka cashada iyo isku hambalyeynta howlihi la soo qabtay oo uu u Sameeyay, iyagoo ka codsaday madaxda dalka in ay dib u eegaan eheladi xildhibaanada u Geriyooday Qaranka Somalia kuwa ku dhaawacmayna ay wax u qabtaan.

R/wasaaraha Xukuumada Federaalka ah ee Soomaliya mudane Cabdi Faarax Shirdoon ‘’Saacid’’ oo ka hadlay munaasabadi cashada ee xalay lagu qabtay xarunta madaxtooyada Ayaa tilmaamay in wada shaqeynta ka dhaxeysa xukuumada iyo baarlamaanka uu muujinayo Xiriir la isku haleyn karo oo wada jir ah inuu ka dhaxeeyo hay’adaha dowlada waxa uuna Mudanyaasha baarlamaanka uga mahadceliyay wada shaqeyntooda.

Gudoomiyaha Baarlamaanka Federaalka Soomaliya Maxamed Sh Cismaan Jawaari ayaa Sheegay in 20 Augosto marki la dhaariyay xildhibaanada ilaa bishaan Janayo ay galayaan fasaxooda ay muujiyeen karti dheer ah horseedeen isbadal dhinac walba ah.

Madaxweynaha Jamhuuriyada Soomalaaiya mudane Xasan Sheikh Maxamuud ayaa khudbadi u dambeysay ka jeediyay casuumaadi uu xalay u sameeyay mudanayaasha Baarlamaanka Qaranka waxa uuna ku bogaadiyay howlihi ay soo qabteen iyo dalka heerka Ay gaarsiiyeen waxa uuna ku baraarujiyay in dalka iyo dadkaba ay iyaga sugayaan loona Baahanyahay in taariikhda ay meel wanaagsan ka gasho dowladan.

Mudanayaasha Baarlamaanka dalka ayaa tan iyo marki la dhaariyay 20 Augosto waxa ay Qabteen howlo badan oo muhiim ah kuwaasi oo ay ugu horeyso dhameystirka dowlada Federal oo KMG aheyn oo uu mudo kadib dalka uu yeesho iyo fulinta arrimo kale oo quseeya howlaha sharci dajinta wadanka waana baarlamaan wax badan ka duwan Baarlamaanadi hore ee kumeelgaar ah ee wadanka soo maray.

Daawo sawirrada xafladdda.