Guddoonka Baarlamanka oo sheegay in Baarlamanku uu bilaabi doono la Xisaabtanka xukuumada marka la soo dhameystiro dhismaha guddiyada Baarlamanka.

Guddoomiye ku xigeenka Koowaad ee Baarlamanka Mudane Jeylaani Nuur Iikar Oo la hadlay Radio Muqdisho ayaa sheegay in wixi ka dambeeya dhameystirka Gudiyada joogtada ah ee Baarlamaanka uu bilaaban doono la xisaabtan buuxa oo dhex mara xukuumada, hay’adaha kale ee dowlada iyo Baarlamaanka, waxa uuna farta ku fiiqay gudoomiye ku xigeenku in gudoomiyaasha gudiyada inta uu fasaxa ku jiro Baarlamaanka ay soo diyaarin doonaan qorshahooda si ay ugu howl galaan fasaxa kadib.

Sidoo kale gudoomiye ku xigeenka Koowaad ee golaha Shacabka ayaa tilmaamay in baarlamanku uu mudnaanta siindoono la xisaabtanka hey’adaha dowlada waxa uuna carabka ku adkeeyay in wada shaqeyn buuxda ay dhaxmari doonto maadaama uu baarlamaanku yahay sharci dajinta xukuumaduna ay tahay hay’adi fulinta.

Guddoonka Baarlamaanka ayaa la filayaa in maanta uu ku dhawaaqo magacyada Gudoomiyayaasha guddiyada Baarlamanka, iyadoo maantana uu soo xirmi doono kalfadhiga Koowaad fasax Labo bil ah kadibna waxa ay baarlamaanku guda gali doonaan howla hoodi Qaran ee loo igmaday.