Ergayga Xoghayaha Guud ee Qaramada Midoobay u qaabilsan Arrimaha Soomaaliya Augustin Mahiga ayaa ugu baaqay dowladaha caalamka in ay bixiyaan dhaqaalo lagu dhiso Ciidamada dowaldda Soomaaliya si ay Ammaanka dalka ugala wareegaan Ciidamada shisheeye ee ku sugan.

Ambasador Mahiiga ayaa sheegay isagoo ku sugan Magaalada Addis Ababa ee Xarunta dalka Ethiopia oo uu uga qeyb galayo shirka Midowga Africa in dowladda Soomaaliya ay hormaro la taabankaro sameysay sidaasi darteedna caalamka looga baahanyahay in ay taageeraan.

“Hadii Ciidamada AMISOM iyo Ethiopia ay ka baxaan Soomaaliya, waa in la helaa cid la wareeegta Amaanaka dalka marka caalamka waxaa looga baahanyahay in la taageero Soomaaliya lana bixiyo dhaqaalo ciidamada dib loogu dhiso.” sidaasi waxaa sheegay Mahiga

Augustin Mahiiga ayaa ugu danbeyn sheegay in dowladda Soomaaliya aya hada wado dadaallo ku aadan sugida Amaanka iyo dib u dhiska ciidamada qalabka Sida waxaana uu xusay in sidaasi darted lagama maarmaan ay tahay in la taageero dowladda Soomaaliaya.