Wafdi ka socda Maamul goboleedka Soomaaliyeed ee Galmudug oo uu horkacayo Madaxweyne ku xigeenka Maamulkaasi C/samad Nuur Guuleyd ayaa maanta soo gaaray magaalada Muqdisho.

Wafdigan oo ka kooban todoba xubnood ayaa waxaa ka mid ah gudoomiyaha Baarlamanka, waxaana garoonka diyaarada ku soo dhaweeyay xubno ka tirsan dowladda.

Madaxweyne ku xigeenka Galmudug xubnaha ku wehliya socdaalkiisa waxaa ka mid ah guddoomiyaha baarlamanka Galmudug, iyo shan wasiir oo ka tirsan maamulkaasi.

C/samad Nuur Guuleed Madaxweyne ku xigeenka Galmudug oo saxaafadda la hadlay markii uu kasoo dagay garoonka ayaa sheegay in u jeedka ay u yimaadeen caasimada dalka ay tahay sidii ay kulamo ula qaadan lahaayeen madaxda dalka si ay uga wada hadlaan hormarinta Galmudug.

Sidoo kale Madaxweyne ku xigeenka maamul goboleedka Galmudug ayaa intaasi ku daray in madaxda dowladda ay kala tashanayaan heshiis ay la galeen culumaa’udiinka Ahlu sunna waljameeca kaas oo ku aadan sidii la iskugu keeni lahaa dadka ku dhaqan maamulka Galmudug.