Ra'iisul-wasaaraha xukuumadda federaalka ah ee Soomaaliya Mudane Cabdi Faarax
Shirdoon “Saacid” ayaa maanta kulan la qaatay Agaasimeyaasha Guud ee
wasaaradahada dowladda.
Kulanka uu maanta xafiiskisa kula qaatay R/wasaaraha dalka dhamaan
agaasimayaasha guud ee wasaaradaha dowladda ayaa u jeedadiiisu waxa ay aheyd in
ay kala warqaataan agaasimayaasha iyo R/wasaaraha islamarkaana ay wada
falanqeeyaan wax yaabahi u qabsoomay, caqabadaha heysta, qorshayaasha iminka ay
hiigsaneyso xukuumada iyo sidii loo dar dar galin lahaa howlaha dowladda.
Mudane Cabdi Faarax Shirdoon oo warfidiyeenada la hadlay markii uu soo gaba
gaboobay kulanka ayaa sheegay in kulakooda looga hadlay sidii loo dar dargalin
lahaa howlaha wasaaradaha isagoona intaasi ku daray in uu kulankooda ku soo
dhamaaday is afgarada.
Kulanka uu manta la qaatay R/wasaaraha Soomaaliya agaasimeyaasha wasaaradaha
dowladda ayaa ah kulankii ugu horeeyay ee uu la yeesho tan iyo markii loo
magacaabay xilka R/wasaarenimo ee dalka.
