Ciidamada AMISOM oo ku wareejisay Dowladda KMG Maxamed Dheere oo Gacmaha ka xiran
Iyadoo
muddo 24-saac gacanta ugu jiro Ciidamada AMISOM Gudoomiyihii hore ee
Gobolka Banaadir Maxamed Dheere iyo Ragg kale, kadib markii dhowaan ay
ku soo qabatay howl gal la xiriiray eedeymo iyo tuhumo ku aadanaa
weerarkii lagu laayay dadkii ku banaan baxayay maalinimadii salaasada
agagaarka Gurigii Hooyooyinka.
Saraakiisha Ciidamada AMISOM ayaa Dowladda KMG ku wareejisay Maxamed
Dheere iyo nin kale oo la yiraahdo Cabdi Qeybdiid, kuwaasoo muddo labo
cisho lagu hayay Xarunta Xalane, waxaana labadooda ahaayeen kuwo gacmaha
ka xirnaa.
Kulan ka dhacay Xarunta Xalane ee fariisinka weyn u ah Ciidamada AMISOM
oo ay ka qeyb galeen saraakiisha Nabad sugida iyo kuwa Booliska ayaa
halkaas Dowladda waxay kula wareegtay Maxamed Dheere oo gacmaha ka
xirnaa.
Taliyaha Ciidamada AMISOM Nathan Mugisha oo kulanka ka hadlay ayaa
sheegay in weerarkii banaan baxayaasha lagu laayay ay u soo qabteen ilaa
shan ruux oo uu ka mid yahay Maxamed Dheere, isagoo sheegay inay ku
raad-joogaan shaqsiyaad kale.
Generaal Nathan Mugisha waxaa uu intaasi ku daray in wax dhibaato aysan u
gaysan Maxamed Dheere iyo ninka magaciisa lagu sheegay Cabdi qeybdiid
intii ay gacanta ku hayeen hase ahaatee markii ay Dowladda ku
wareejinayeen ay gacmaha ka xirnaayeen.
Taliyaha Ciidamada Booliska Gobolka Banaadir Axmed Xasan Maalin oo isna
ka hadlay ayaa sheegay inay baaritaan ku sameynayaan Maxamed Dheere iyo
eedeysanayaasha kale, hadii dambiga uu ku cadaado ay sharciga soo
taagayaan.
Maxamed Dheere oo isna goobta hadal kooban ka jeediyay ka hor inta aan
lagu wareejin Dowladda KMG ayaa sheegay in intii uu gacanta ku jiray aan
wax dhibaato ah loo geysan, isagoo iska fogeeyay inuu wax lug ah ku
lahaa falkii dhacay
Waa markii u horeysay ee Saxaafada ay si toos ah u arkaan Maxamed Dheere
oo katiinadeysan, kadib markii Dowladda KMG habeen ka hor ay shaacisay
inay u qabatay Maxamed Dheere iyo ragg kale inay ka dambeeyaan falkaas
xabsigana loo dhigo.
Wixii warar kala soco daqiiqad kasta
Add New Comment
|
|
|