Sheekh Cabdulqaadir Nuur Faarax oo Garowe lagu dilay

Waxa maanta waqtigii salaadda caser magaalada Garowe ee xarunta maamul-goboleedka Soomaaliyeed ee Puntland lagu dilay Allaah ha u naxariistee Sheekh Cabdulqaadir Nuur Faarax (Sh. Cabdulqaadir Gacamey).

Dilka Sheekh Cabdulqaadir ayaa ka dhacay masjid ku yaalla magaalada Garowe xilli uu ku guda jiray tukashada salaadda casir, waxaana dilkiisa geystay nin ku hubeysnaa bistoolad, kaasoo markii uu dilka geystay kaddib isku dayey in uu goobta ka baxsado, hase ahaatee ay gacanta ku dhigeen dadweynihii agagaaraha ka dhowaa oo ayagana gacanta u geliyey ciidamada ammaanka.

Sheekh Cabdulqaadir Nuur Faarax ayaa waxa uu ka mid ahaa culimada waaweyn ee sida aadka ah loogaga wada yiqiin dhulalka ay Soomaalidu degto, wuxuuna sheekhu ka soo qayb qaatay howlo fara badan oo lagu doonayey in islaax lagaga dhex sameeyo culimada Soomaaliyeed.

Add New Comment