Xildhibaannada baarlamanka Soomaaliya ayaa kulan ay maanta ku yeesheen xarunta barlamaanka ee magaalada Muqdisho ku ansaxiyay xeer hoosaadka uu ku dhaqmi doono baarlamanka federaalka Soomaaliya.

Kulanka oo ahaa kala fadhigii 31-aad fadhigiisii Koowaad ee mudaneyaasha baarlamanka oo ka dhacay xarunta golaha shacabka ee magaalada Muqdisho ayaa waxaa soo xaadiray 188 mudane waxaana kulanka shir guddoominayay guddoomiyaha baarlamanka Soomaaliya.

Fadhigii baarlamanka ee maanta ayaa waxaa si weyn looga dooday qaar ka mid ah qodobada xeer hoosaadka kaas oo ay ka mid ahayeen labiska mudanaha ka tirsan baarlamanka iyo soo xaadirida waqtiyada ay dhacayaan kulamada.

Afhayeenka baarlamanka Soomaaliya Prof Jawaari ayaa cod gacan taag ah ugu qaaday 11-ka qodob ee xeer hoosaadka baarlamanka kaas oo maalmihii ugu dambeeyay ay ka doodayeen xildhibaanada waxaana xildhibaanadi ka qeyb galay kala fadhigii maanta ay cod aqlabiyad leh ay ku ansaxiyeen dhamaan heer hoosaadka.

Mudaneyaasha baarlamanka Soomaaliya ayaa maalmihii ugu dambeeyay ka doodayay heer hoosaadka baarlamanka Soomaaliya ee afarta sano ee soo socoto waxaana maanta ay ku guuleysteen in ay ansaxiyaan baarlamanka.