War ay soo saartay dowladda Mareekanka ayaa waxaa looga digay Muwaadiniinta ka soo Jeeda dalkaasi in ay usafraan dalka Soomaaliya halkaas oo dhawaan looga dhawaaqay dowlad Cusub oo aan KMG ahayn.

Mareekanka ayaa waxa uu Muwaadiniintiisa uga digay in ay Soomaaliya aadaan taas oo ka dambeysay Baqdin laga qabo in ay kala kulmaan dil,afduub iyo Qaraxyo halakasi loogu geesto Muwaadiniinta Mareekanka.

Digniintaan dowladda Mareekanka ayaa saameyneysa Safaradda Muwaadiniintaasi Mareekanka ee Biyaha Soomaaliya taasi oo la tibaaxay in qatarteeda ay leedahay sida in burcad badeedu afduubyo halkaasi ugu geysan karaan.

Mareekana waxa uu ugu tala bixiyay Muwaadiniintiisa in xitaa haddii ay huriweyso aadista Safarada Soomaaliya in la kireesto ilaalada Gaarka ah si feejignaan dheeri ah loo Muujiyo.

Warbixinta ayaa lagu xusay Xarakada Al Shabaab oo iyadu ku biirtay Ururka Al Qaacida taasi oo la sheeegay in ay halisteeda wadato.

Waxaa Sidoo kale warbixinta lagu soo qaatay Qaraxii Markii la doortay Madaxweynaha lagula eegtay Hodheel Jazeera ee Magaalada Muqdisho taasi oo lagu Muujiyay in ay tahay baqdin hor leh oo ku qasbeysa Xukuumadda Washington in Muwaadiniinteed kala baqdo ku safrida Soomaaliya.

Ugu dambeyn warbixinta ayaa lagu xusay in haddii Muwaadiniintu ay u safrayaan Soomaaliya ay iska soo diiwaan Galiyaan Safaaradda dowladda Mareekanka ee Magaalada Nairobi Cariga Kenya