Wafdi ballaaran oo isugu jira wasiiro, xildhibaano iyo saraakiisha sar sare ee ciidamada Dowladda Soomaaliya ayaa maanta gaaray magaalada Marka ee xarunta gobolka Shabeelada Hoose halkaasi oo si diiran loogu soo dhaweeyey.

Wafdigan ayaa waxaa ay kala yihiin Wasiirka Gaashaandhigga Mudane C/xakiin Maxamuud Xaaji Fiqi,Wasiirka Arrimaha Gudaha iyo Amniga Qaranka Mudane C/kariin Xuseen Guuleed ,Wasiirka Wasaaradda Garsoorka Mudane C/laahi Abyan Nuur waxaana wehliya Xildhibaanno ka tirsan Baarlamaanka Federaalka Soomaaliya iyo Taliyeyaasha Ciidammada Xoogga Dalka,Booliiska iyo Nabad Sugidda Qaranka.

Wariyaha Warbaahinta Qaranka Maxamed C/qaadir Daahir (MCD) oo ku sugan magaalada Marka ayaa soo sheegaya in wafdigan ay si aad ah usoo dhaweeyeen qeybaha kala duwan ee bulshada.

Hada waxaa magaalada Marka ka soconaya kulammo ay wafdiga ballaaran ee maanta gaaray la leeyihiin odayaasha,waxgaradka iyo saraakiisha Ciidammada kuwaasi oo looga arinsanayo amniga magaalada Marka sidii loo sugi lahaa.