Ciidamada dowlada oo gacan ka helaya kuwa Midowga Afrika ee AMISOM ayaa maanta la wareegay gacan ku heynta xarunta gobolka Shabeellaha hoose ee Marka kadib markii ay gelinkii hore ee maanta ay weerar ku qaadeen.

Ciidamada Qalabka sida ee dowlada Soomaaliya iyo kuwa AMISOM oo saakay howlgalo ammaanka lagu xaqiijinayo ka waday deegaano hoos taga magaalada Marka ayaa ugu danbeyn gacanta ku dhigay magaalada Marka waxaana haatan ciidamadu ka dhex wadaan xaafadaha magaaladasi howlgalo ammaanka lagu xaqiiijinayo.

Dadweynaha ku nool magaalada Marka ayaa Caleemo qoyana iyo sacab ay ku soo dhaweyay ciidamada iyagoo aad ugu faraxsan soo gaaridooda mar hadii iminka ay ka bexeen gacantii cadawga Alqaacidada ee in dhawaalaba dhibaatada ku hayay.