Dayaarado dagaal oo duqeeyey magaalada Baardheere

Diyaarad dagaal oo aan haybtooda la garaneyn ayaa galabta gantaallo ku weeraray degmada Baardheere ee gobolka Gedo oo ka mid degmooyinka gobolkaas ee weli ku harsan gacanta xoogagga Xarakat Shabaab.

Wararka ka imanaya magaalada Baardheere ayaa sheegaya in weerarradaasi dhinaca cirka ah ee ay dayaaradahaasi ku qaadeen gudaha magaalada ay waxyeello ka soo gaartay dad rayid ah, kaddib markii dayaaraduhu bar-tilmaameedsadeen guri ku yaalla dhanka waqooyi ee magaalada.

Toddobaadyadii uu dambeeyey ayaa waxa soo badanayey wararka sheegaya in hawada magaalada Baardheere lagu arkay dayaarado dagaal oo laga leeyahay dalka Kenya, kuwaasoo isla mar ahaantaasna duqeyn ka geystay magaalada Kismaayo ee xarunta gobolka Jubbada Hoose.

Add New Comment