Munaasabadda oo ahayd mid si wanaagsan loo soo agaasimay ayaa waxa kale oo ka qaybgalay wasiir ku-xigeenka wasaaradda hortumarinta adeegga bulshada mudane Maxamed Macallim, wakiilka gaarka ah ee Midowga Afrika u qaabilsan arrimaha Soomaaliya danjire Annadiif, saraakiil ka socotay ciidamada nabad ilaalinta AMISOM, maamulka degmada Wadajir ee gobolka Banaadir iyo mas'uuliyiin kale.

Wasiir ku xigeenka Wasaarada Horumarinta iyo Adeega Bulshada ee Xukuumadda Federaalka Soomaaliya Maxamed Macallin oo khudbad ka jeediyay Hoolka ay Munaasabada maanta ka dhacday ee Xarunta Macadkaasi ayaa mahadcelin uu u jeediyay AMISOM iyo Cidkasta oo gacan ka geysatay Xaruntaasi waxbarasho waxa uu sheegay in Sharaf ay u tahay in lagu wareejiyo Dowladda goob ay wax kaga faa’ideysanayaan Dadka Degaanka iyo guud ahaan Dhalinyarada Soomaaliyeed.

Dhinaca kale Madaxweynaha Dowladda Federaalka Soomaaliya Mudane Xasan Sheekh Maxamuud oo isana Khudbad kooban goobta ayaa waxa uu u mahadceliyaya AMISOM iyo intii ku gacan siisay hergilinta Mashruuca lagu furay Machadka Farsamada taasi oo uu tilmaamay in Malaayiin Dhalinyaro Soomaali ah ay kaga faa’iideysanayaan.

Mudane Xasan Sheekh Maxamuud Madaxweynaha Jamhuuriyada Federaalka Soomaaliya o hadalkiisa sii wata ayaa hoosta ka xariiqay in Dhalinyarada fursada u heshay inay wax ku bartaan in Machadkan Cusub aysan dhamaan Dhalinyarada Soomaaliyeed u helin sidaa daraadeedana looga baahan yahay inay fursadaasi ka faa’ideystaan.

Machadkan Farsamada iyo Tababarka ay maanta AMISOM ku wareejisay Dowldda Federaalka Soomaaliya ayaa waxaa ku baxay lacag dhan 147,600 dollar (boqol iyo afartan iyo toddoba kun iyo lix boqol oo dollar)