Ugu yaraan 3 Ruux oo ka mid yahay Ganacsade caan ka ah Magaalada Muqdisho ayaa ku dhaawacantay Qarax Khasaaro gaystay oo maanta ka dhacay agagaarka Suuqa Bakaaraha Degmada Howl-Wadaag ee Gobolka Banaadir.

Qaraxan ayaa sida la sheegay waxaa uu ka qarxay Gaari uu lahaa Ganacsade Xuseen Goleey isla markaana uu dhaawac ka soo gaaray Qaraxaasi waxaana la sheegay in dhaawaciisa loola carary Mid kamid ah Isbitaalada Magaalada Muqdisho waxaana la sheegay inuu dhaawac uu yahay mid uu ka soo gaaray dhina lugaha

Goobjooyaal la hadlay Idaacaddaha gaarka loo leeyahay  ee magaalada Muqdisho ayaa sheegay in qaraxu uu ahaa mid xoogan isla markaana uu ku xirnaa Gaari uu watay Ganacsade Xuseen Goleey taasi oo dhalisay dhaawac 3 Ruux oo Rayid ah.

Ilaa iyo iminka lama oga cidda ku xirtay Qarax Gaariga Ganacsade Xuseen Goley hase ahaatee Dhaawaciisa ayaa loo qaaday mid kamid ah Isbitaalada Magaalada Muqdisho si loogu dabiibo.

Wararkii ugu dambeeyay ee ku aadan Dhaawaca Ganacsade Xuseen Goley ayaa xaqiijinay in laga qaaday Garoonka Diyaaraha Muqdisho loona Duuliyay dhinaca Nairobo loona sii qaadi doono sida qorshu yahay dhinaca Dalka Jarmalka.

Majiro cid ka hadashay Qaraxa Khasaraha gaystay ee maanta ka dhacay Agagaarka Suuqa Bakaaraha degmada Howl-Wadaag ee Gobolka Banaadir.