Barlamanka Maamul-goboleedka Soomaaliyeed ee Galmudug State ayaa maanta u doortay madaxweyne cusub Gen. Cabdi Xasan Cawaale Qaybdiid kaasoo bedeli doona madaxweynaha hada talada haya mudane Maxamed Axmed Caalin.

Wararka ka imaanaya Magaalada Gaalkacyo ee Xarunta gobolka Mudug ayaa waxa ay sheegayaan in Xilidhibaanada barlamanka Maamulka Galmudug oo shalay gudoon yeeshay ay Madaxweynaha maamulkasi u doorteen Cabdi Xasan Cawaale Qeybdiid oo ka mid ah siyaasiyiinta Soomaaliyeed.

Doorashada ayaa waxaa ku tartamayay dhawr musharax oo u taagnaa qabashada xilka Madaxtino ee Maamulka Galmudug, waxaana ugu danbeen ku guuleystay xilka madaxtinimo ee maamulkaasi Cabdi Xasan Cawaale Qeybdiid.

Madaxweynaha Cusub ee Maamulka Galmudug Cabdi Xasan Cawaale Qeybdiid oo ka hor hadlay xildhibaanda Maamulkaasi ayaa balan qaaday in uu wax badan ka qaban doono dhibaatooyinka ka jira deegaanada uu maamulkaasi ka taliyo, islamarkaana uu ka shaqeyn doono hormarkooda.