Abwaanka Soomaaliyeed ee Maxamed Ibraahim Warsame Hadraawi ayaa la gudoonsiiyay Abaalmarin caalami ah isaga oo sheegay in uu sii wadi doono howlihiisa suugaaneed ee Soomaalidu uu ku baraarujiyo.

Abwaan Maxamed Ibraahim Warsame Hatraawi oo Abaalmarintan lagu gudoonsiiyay munaasabad lagu qabtay magaalada Hargeysa, taas oo ah Abaalmarin ay sanadkiiba mar bixiso boqorada dalka Holand.

Abaalmarintan ayaa ah mid lagu maamuuso shaqsiyaadka sumcada ku helay Wacyigelinta iyo baraarujinta bulshada sida Maxamed Ibraahim Warsame Hatraawi oo ah Abwaan Soomaaliyeed oo suugaantiisa ku cabira wanaaga iyo samaha.

Danjiraha Dalka Holand u fadhiya magaalada Nairobi Jos Rinjs oo ka hadlay Munaasabadaasi ayaa sheegay in Abwaan Hatraawi uu qabtay shaqo aad u weyn, sidaasi darteedna munaasabadan loogu dabaaldegayo Abaalmarinta Boqorada Holand ugu talagashay Abwaan Hatraawi.

‘’Waxaa ii sharaf ah in dowlada Holand gaar ahaan Prins Clows abaalmarin ay iigu deeqday aniga iyo umada aan ka dhashay an halkan ku gudoomo, Abaalmarintani waa dhiirigelin I fareysa inaan dadaalkeeyga sii kordhiyo, arintuna waxey salka ku heysaa in qofku macna yeesho’’ Sidaasi waxaa yiri Abwaan Maxamed Ibraahin Warsame Hatraawi.

Abaalmarintan ay bixiso boqorada Holand ayaa hore loo gudoonsiiyay shaqsiyaad kaladuwan oo caalamka ah kuwaas oo muujiyay dadaalo wax ku ool ah oo ay ku muteysteen abaalmarintan.