Laba nin oo  Soomaali ah kuna  hubaysnaayeen bastoolado ayaa isku dayeen in ay qafaashaan Diyaarada DAALLO xili ay ka duushay Garoonka Magaalada Boosaaso, hase yeeshee ka bad baaday afduubkaasi diyaarada DAALLO.

Labadan Nin ayaa gudaha u galeen qolka laga hago Diyaaradaasi, waxayna wadayaashii ka dalbadeen diyaarada in ay u jaheeyaan meesha ay doonayaan.

 Saacado aan badnayn kadib dadkii rakaabka diyaaradaasi la socday ayaa u suuragashay in ay ka bad baadiyaan qorshaha Afduubka kooxahaasi.

 Diyaarada DAALLO ayaa dib u soo caga dhigatay garoonka Magaalada Boosaaso, halkaas oo ay heegan ugu jireen Ciidamada Amaanka magaalada boosaaso oo u suurtagashay in ay qabtaan afduubayaasha.

 Diyaarada DAALLO  ayaa u kicitintay markii laga bad baaday qorshahaasi Magaalada jabuuti ee Dalka jabuuti, oo socdaalkeeda ku wajahnaa.

 Ugu danbayn waa markii ugu horaysay diyaarada DAALLO ay  la kulanto shil noocaan oo kale ah tan iyo markii ay ka howl bilowday  gudaha Dalka soomaaliya.