Waxaa weli sii socda dagaalkii beryahan ka socday waddada wadnaha gaar ahaan isgoyska Siinaay iyo afarta Jardiino, kaasoo daba socda dagaallada muddada siddeedda maalmood ah ka socda magaalada Muqdisho ee u dhexeeya ciidamada Dowladda Soomaaliya iyo kooxaha kasoo horjeeda ee Al-Shabaab iyo Xisbul Islaam.

Dagaalkan oo billowday maanta barqanimadii ayaa ah mid aad u culus oo labada dhinac au isu adeegsanayaan hubka yar yar iyo kan culusba, labada dhinac ee uu dagaalku ka dhaxeeyo ayaa u muuqda inay yihiin kuwo aan waxba isula harin, doonayana inuu midba midka kale u xoog sheegto oo uu kala wareego goobaha ay ku kala sugan yihiin.

Waxaa wili ka socda Isgoyska Siinaay iyo Jardiinka ee Magaalada Muqdisho dagaal culus oo u dhexeeyay ciidanka MMIS garbka taageersan DFKM iyo AMISON oo gacan ka hellay ciidanka Milateriga DFKM iyo xoogagga Al-shabaab iyo Xizbul Islaam oo is garabsanaya.

Ciidanka Dowladda ayaa la sheegayaa inay ayagu dagaalka maanta soo qaadeen, ayagoona ku dadaalaya inay dib u qabsadaan goobo muhiim ah oo ay soo banneeyeen maalmihii ugu dambeeyey ee ay dagaalladu ka socdeen magaalada Muqdisho.