Dagaallo xoogan oo laysku weydaarsaday hubka noocyadiisa kala duwan ayaa galabta ka dhacay degmooyinka Yaaqshiid iyo Kaaraan ee magaalada Muqdisho, ayadoo madaafiic culculasna ay kasoo dhaceysay Xarunta Madaxtooyada kaddib markii ay kooxaha mucaaradku ku rideen dhowr hoobiye.

Waxa kale oo lagu soo warramayaa in dagaalkii galabta ka dhacay degmada Kaaraan uu ahaa mid ay si fool ka fool ah isaga horyimaadeen kooxaha dagaalamaya ayadoona halkaas laysku weydaarsaday rasaas leh nooc walba oo xitaa ay ku jiraan hubka culculus, waxaana si toos ah loogaga maqlayey rasaasta goobaha ku dhowdhow degmada Kaaraan.

Qasaaraha ka dhashay dagaalladan iyo duqeymihii daba socdayba ayaa ah mid aan la ogeyn, waxaase meelaha qaar laga soo sheegayaa inay jireen dad rayid ah oo ku waxyeelloobay dagaallada, kuwaasoo oo ka mid ah dad aad u tiro yar oo ku haray degaannada horey looga barakacay ee magaalada Muqdisho.

Wixii warar ah ee ka soo kordha dagaalladaas galabta dhacay kala xiriira shabakadda wararke ee www.SilGor.com .