Dagaallo hor leh ayaa lagu soo warramayaa in maanta abaarihii 2-da duhurnimo ay ka qarxeen qaybo ka mid ah waddada dheer ee Wadnaha iyo agagaaraha Suuqa weyn ee Bakaaraha, halkaasoo ciidamada Dowladda KMG ay weerar ku soo qaadeen fariisimo ay ku sugnaayeen xoogagga hubeysan ee dagaalka kula jira dowladda.
Ciidamada Dowladda oo maanta gelinkii hore guulo kasoo hooyey dagaal ay waqooyiga magaalada Muqdisho kula galeen xoogagga Xisbul Islaam iyo Xarakatul Shabaab Al-Mujaahidiin ee dagaalka kula jira dowladda.
Goobaha ay ciidamada dowladdu weerarkan dambe ku qaadeen ayaa waxa la sheegayaa inay ka mid yihiin isgooysyada KPP, Howl-wadaag, Aadan Cadde iyo Florence.
Dagaalka oo weli socda awgeed ayaan la sheegi karin qasaaraha ka dhashay, waxaase lagu soo warramayaa in ciidamada Dowladda KMG ee Soomaaliya ay maanta la soo baxee burhaan aan looga baran, si fududna ku jiireen goobo fara badan oo ay fadhiyeen xoogagga dagaalka kula jira.
Wixii warar ah ee ka soo kordha dagaallada Muqdisho kala xiriir shabakadda wararka ee www.SilGor.com insha'Allaah.