Qaramada Midoobay ayaa taageertay magacaabista uu Madaxweyne Sheekh Shariif xilka Ra’iisul wasaarenimo u magacaabay Cumar Cabdirashiid
Cali Sharma'arke, uguna baaqday beesha caalamka in la taageero xukuumadda cusub ee uu soo dhisi doono Ra'iisul wasaaraha.
Wakiilka gaarka ah ee Xoghayaha Guud ee Qaramada Midoobay u
qaabilsan arrimaha Soomaaliya Axmed Walad Cabdalla ayaa sheegay in ra'iisul wasaaraha cusub ee Soomaaliya uu yahay mid si wanaagsan u gudan kara xilka loo magacaabay, isla mar ahaantaana wax ka qaban kara dhibaatada daba dheeraatay ee Soomaaliya.
“Anniga waxa ay ila tahay in uu
yahay Shaqsi leh xushmad kaasi oo la shaqeyn kara madaxweynaha 
islamarkaana
dhameyn kara xaaladda Soomaaliya”ayuu yiri Ergayga gaarka ah ee QM u qaabilsan
Soomaaliya Axmed Walad Cabdala.
Axmed Walad Cabdala waxa uu sidoo
kale sheegay inuu ku dadaali doono in Qaramada Midoobay iyo beesha caalamkuba ay si weyn u
taageeraan dowladda Soomaaliya loo dhisay,i sagoo si weyna ugu mahad celiyay
dowladda Jabuuti ee marti galisay shirkii dib-u-heshiisiinta iyo dadaalka dib loogu dhisayo dowlad ay
Soomaaliya yeelato.
Ugu dambayntii ayaa waxaa ugu
baaqay dhamaan shacbiga Soomaaliyeed in ay taageeraan Ra’iisul wasaaraha cusub
islamarkaana sida ugu dhaqsiyaha badan loo dhammeystiro arimaha dib u
heshiisiinta.