Madaxweyne Sheekh Shariif
Sheekh Axmed ayaa intii uusan u duulin magaalada Jabuuti sheegay inuu wadahadal la yeeshay xubno ka mid ah kooxaha muqaawamada ee ka soo horjeeda heshiiskii Jabuuti ee dowladiisu lagu soo doortay.
Kaddib shir jaraa’id oo uu maanta
madaxweynaha dowladda Soomaaliya Sheekh Sharif ku qabtay xarunta
Madaxtooyada ayaa waxaa uu sheegay in intii uu gudaha magaalada Muqdisho ku
sugnaa uu kulamo gooni gooni ah la yeeshay hoggaanka gudaha ee
Maxkamadaha Islaamiga Soomaaliyeed, Odayaasha Dhaqanka, Culimaa’uddiinka, Ururada Bulshada Rayidka,
siyaasiyiin iyo bulshada qeybaheeda kala duwan, kuwaasoo uu madaxweynahu
tilmaamay in uu kala hadlayay arimaha dib-u- heshiisiinta iyo sidii loola jaan
qaadi lahaa isbedalka cusub , isla markaana loo badbaadin lahaa dadka iyo dalka Soomaaliyeed.
Madaxweyne Sheekh Shariif ayaa Sidoo kale sheegay in dhamaan qaybihii ay wada hadleen ay isku afgarteen arrimihii ay ka wada
hadleen, isla markana laga wada qeyb galo dowlada Midnimo Qaran oo dalka iyo
dadkaba u horseedda cadaalad.
Waxa kale oo uu Madaxweynuhu sheegay in lagu guuleystay, layskuna afgartay in la dhiso guddiyo isku dhaf ah oo ka
shaqeeya amniga heer qaran,heer gobol iyo wacyigelintaba, wuxuuna sheegay inay jiraan wadahadallo aan toos ahayn oo dhex maray dowladdiisa iyo kooxaha kasoo horjeeda.
Kadib shirkaasi jaraa’id ayaa
madaxweynaha iyo wafdi uu hogaaminayo ayaa ka duulay garoonka diyaaradaha ee
Aadan Caddde Airport ee magaalada Muqdisho iyagoo ku sii jeeda magaalada Jabuuti
ee dalka Jabuuti,halkaasi oo la sheegay in lagu soo magacaabayo Ra’iisul wasaare
soo dhisay a xukumad loo dhan yahay.