Dablay  hubaysan  ayaa maanta duhurki magaalada Gaalkacyo toogasho ku dilay  wasiirkii Warfaafinta Ismaamul Goboleedka Soomaaliyeed ee Puntland Warsame Cabdi Shirwac (Seefta Bannaanka) xilli uu sii raacayey gaarigiisa.

Dilka marxuum Warsame Cabdi Shirwac (Seefta Banaanka) ayaa ka dhacay bartamaha magaalada GaalKacyo ayadoo sida la sheegay ay dableydii dilkiisa ka dambeysayna ay halkaasi ka baxsadeen ayadoo aanan la ogeyn halkii ay qabteen.

Dilka masuulkan ka tirsanaa Ismaamul Goboleedka Puntland ayaanay jirin ilaa iyo hadda cid sheegatay inay ka dambeysay, waxaanna sidoo kale la ogeyn sababta ka dambeysa dilka wasiirka.

Marxuum Warsame Cabdi Shirwac (Seefta Bannaanka) ayaa ka mid ahaa mas'uuliyiinta Puntland kuwooda ugu cad cad ee sida aad ah magacooda looga yiqiin warbaahinta dalka.