Madaxweynaha Jamhuuriyadda
Soomaaliya Sheekh Shariif Sheekh Axmed ayaa maanta dib ugu laabtay magaalada Muqdisho, kadib markii uu magaalo-madaxda waddanka Qatar ee Dooxa kaga soo qayb galay shir-madaxeedkii 21-aad ee waddamada ku bahoobay Ururka Jaamacadda Carabta.
Madaxweynaha ayaa waxaa garoonka diyaaradaha Aadan Cadde ee Magaalada
Muqdisho ku soo dhaweeyay madaxda sar sare ee dowladda sida
ra’iisal wasaaraha xukuumada Cumar Cabdirashiid Cali Sharma’arke, guddoomiyaha
baarlamaanka Sheekh Aadan Maxamed Nuur (Aadan Madoobe), xubno ka tirsan labada gole ee dowladda iyo saraakiisha ciidamada booliska iyo mileterigaba.
Madaxweynaha ayaa waxa loo soo daadihiyey Xarunta Madaxtooyada halkaasoo uu kaga warbixiyey safarkii dhowrka maalmood qaatay ee uu kaga qaybgalay shirmadaxeedkii dowladaha Carabta ee ka dhacay magaalada Dooxa ee waddanka Qatar, ayadoo madaxweynuhu uu sheegay in guud ahaan arrimihii shirkaa lagaga hadlay oo ay ku jirto arrinta Soomaaliya dhammaantood ku soo dhammaadeen guul iyo is-afgarad.
Waxa sidoo kale ayagana warbixin ku saabsan xaaladda dalka siiyey guddoomiyaha barlamaanka Sheekh Aadan Madoobe iyo Ra'iisul-wasaaraha Soomaaliya Dr. Cumar Cabdirashiid Cali Sharma'arke.
