Ethiopia oo soo bandhigtay qorshe ay ciidamadeeda kula baxeyso
Dowladda Itoobiya ayaa markii u horeysay sheegtay qorshe ah sidii ay Ciidamadeeda ugala bixi laheyd
Soo maaliya, taasoo qoraal ku aadan ay dhowaan u gudbisay Qaramada Midoobey iyo Midowga Afrika.
Ra'iisul Wasaaraha Itoobiya Meles Zenawi oo haatan ku sugan magaalada Sanca ee dalka Yemen ayaa sheegay in dhamaadka bisha December 2008 ay qorsheynayaan sidii ay Ciidamadooda ugala bixi lahaayeen Soomaaliya.
Atto Meles Zenawi oo indhaha qarsanayo ayaa sheegay qorshaha uu ciidamadiisa ugala baxayo Soomaaliya ay tahay iyagoo eegaya heshiiskii Jabuuti ay ku gaareen Dowladda Federaalka iyo Mucaaradka garabka uu hogaamiyo Shiikh Shariif, taasoo uu ku tilmaamay tallaabo horay loo qaaday.
Ciidamada Itoobiya oo taageeraya Dowladda KMG ayaa dhamaadkii sanadkii 2006-da meesha ka saaray Midowgii Maxkamadaha Islaamka ee xilligaas gacanta ku hayay Koonfurta iyo Bartamaha Soomaaliya. Haatan oo ay Labo sano sii caga cageyneyso joogitaanka Soomaaliya.
Ciidamada Itoobiya waxaa har iyo habeen waajahaya weeraro ay ku soo qaadayaan Kooxaha Islaamiyiinta, waxaana Dowladda Itoobiya si rasmi ah ay ugu riiqmeen dagaalada ka socda Caasimada Muqdisho iyo Dhammaan meel kasta oo ay kaga talaabeen Caasimadda , waxayna awood u waayeen kuna adkaatay inay xakameeyaan Xoogagga muqaawamada ka soo horjeeda , ammaankana ay sugaan.
Add New Comment
|
|
|