Wasaaradda caafimaadka ee xukuumadda federaalka ah ee Soomaaliya ayaa sheegtay in hawlaheeda intooda badani ay la socon la’yihiin dhaqaale la’aan.

Wasiirka wasaaradda, Xaawo Xasan Maxamed ayaa warbaahinta u sheegtay in dhaqaale laa’aantu ay caqabad ku noqotay dadaallo ay wasaaraddu ku doonaysay inay ku horumariso hawlaha ay u qabanayso bulshada.

Adeegga caafimaadka ee aas-aasiga ah ee bulshada ayay sheegtay Xaawo inay markan ugu daran tahay hawlaha wasaaradda ee la xanniban dhaqaale la’aanta.

Dhinaca kale, wasiirka caafimaadka ayaa sheegtay inay wasaaraddu la dagaallamayso ka-ganacsiga dawooyinka dhacay oo ay ku tilmaantay aas-aaska mushkiladda caafimaad-darro ee ka jirta dalka.