Guddoomiyihii baarlamaanka maamulka Puntland oo Maanta Shaaciyay inuu is-casilay
Guddoomiyihii
baarlamaanka maamulka Puntland, Siciid Xasan Shire ayaa goor-dhow
is-casilay, iyadoo is-casilaaddiisan ay ku timid kaddib markii ay
mooshin ka keeneen ku dhawaad 40-xildhibaan oo ka tirsan baarlamaanka
Puntland.
Afhayeenka
oo warbaahinta kula hadlay Garoowe ayaa sheegay in sababta uu isku
casilay ay ahayd markii lagu sameeyay wax inqilaab oo kale ah, ciidammo
fara badanna la geeyay xarunta baarlamaanka Puntland.
“Sababta
aan isku casilay waa mooshin la iga keenay, ciidammo la wareegay
xarunta baar-lamaanka saaka iyo in warar la isla dhexmarayay oo ahaa in
la qorsheynayo in kursiga laga eryo, kuwaasoo iila ekaaday sidii
in-qilaab,” ayuu yiri afhayeenkii baarlamaanka Puntland.
Isagoo
sii hadlayay ayuu intaas ku daray in mooshinka isaga aan loosoo gudbin,
sidoo kalena saakay la qabsaday xarunta baarlamaanka, si aan sharci
ahaynna loogu gudbiyay mooshinka guddoomiye ku xigeenka baarlamaanka,
ayaan gartay inaan is-casilo, si aan arrinta uga eego dhanka nabadda.
“Xildhibaannada
mooshinka iga keenay waxay isugu jiraan saddex qaybdood oo kala ah;
kuwo ku doodaya inaan dowladda difaacayo, kuwo ku doodaya inaan galay
kaalintii madaxweyne ku xigeenka oo aan madaxweynaha ku hayso xilka uu
hayo iyo xildhibaanno ka tirsan guddiga joogtada oo aan howshooda kasoo
bixin oo ka baqaya inaan sharci kasoo saaro arrintaas,” ayuu ku yiri
hadal uu warbaahinta siiyay guddoomiyaha is-casilay ee baarlamaanka
Puntland.
Afhayeenkii
baarlamaanka Puntland, ayaa xusay in ciidankii saakay xarunta
baarlamaanka qabsaday ay ku jiraan ciidammo ka amar-qaata madaxweyne ku
xigeenka baarlamaanka Puntland, C/xakiin Camey.
Dhanka
kale, Siciid Xasan Shir ayaa xusay in mooshinka uu yahay been abuur,
isagoo xusay in waxyaabaha lagu eedeeyay ee ku qoran mooshinka ay ka mid
yihiin; inaan hanti lunsaday. “Haddii aan hanti lunsaday maxkamad in la
i hor-geeyo ayaan mudanahay, haddii kalena maxkamad la hor-geeyo kuwii
soo abaabulay been abuurkaas,” ayuu yiri Shire.
Add New Comment
|
|
|