Madaxweynayaasha Soomaaliya iyo Kenya oo Nairobi ku kulmay
Madaxweynaha Jamhuuriyadda Federaalka Soomaaliya mudane Xasan Sheekh Maxamuud ayaa magaalada Nairobi ee xarunta dalka Kenya kula kulmay dhigiisa dalka
Kenya Uhuru Kenyatta, xili uu kasoo laabtay Magaalada Abuja ee Xarunta dalka
Nigeria.
Kullanka labada madaxweyne ayaa habeenimadii xalay ka dhacay Garoonka diyaaraddaha Jomo Kenyatta ee magaalada
Nairobi.
Qoraal uu boggiisa Facebook soo dhigay Madaxweynaha Kenya ayuu ku sheegay in
xalay Madaxweynaha Somalia uu la kulmay, inkastoo uusan faah faahin ka bixin
wixii ay ka wada hadleen.
Dowladda
Kenya iyo Soomaaliya ayaa mudooyinkii u danbeeyay ka dhaxeeyay muran ku saabsan
darbiga ay Kenya ka dhiseyso xadka ay la wadaagto Somalia, iyadoo derbigaasi uu
gudaha usoo galay xadka Somalia.
Kenya
oo ka mid ah wadamada Afrika ee ciidamada ka joogaan Somalia ayaa waxaa dhibaato
ka haysataa sidii ay ugu hortegi laheyd weeraro ay Shabaab ka geystaan gudaha
Kenya. 
Add New Comment
|
|
|