Ciidamada DF Somalia iyo AMISOM oo Qabsaday Deegaan ka Tirsan Gobolka Sh/Dhexe
Ciidamada
Dowladda Somalia iyo kuwa Midowga Afrika ee AMISOM ayaa Saakay si Nabad
ah kula wareegay deegaanka Biyo-cadde oo ka tirsan gobolka Shabeellada
Dhexe. Iyadoo la sheegay inay u galeen gudaha ciidammo aad u hubeysan.
Deegaanka
Biyo-cadde oo ka mid ahaa deegaannada ay Al-shabaab ka taliso ee
gobolka Shabeellada Dhexe ku yaalla ayaa waxay la wareegistiisan
imaanaysaa xilli uu hakad ku jiro shirka maamul u sameynta gobollada
Shabeellada Dhexe iyo Hiiraan ee horay uga furmay degmada Jowhar.
Afhayeenka
maamulka gobolka Shabeellada Dhexe, Daa’uud Xaaji Ciro ayaa u
xaqiijiyay Warbaahinta inay ciidamada Dowladda Soomaaliya iyo kuwa
AMISOM la Biyo-cadde la wareegeen Saakay aroortii hore, iyadoo aysan
dhicin wax iska-horimaad ah.
Sidoo
kale, Deegaanka Biya-cadde ayaa 25-KM u jiraa Degmada Mahadaay ee
Gobolka Shabeellada Dhexe, isagoo sidoo kalena dhanka waqooyi kaga
beegan degmada Jowhar qiyaastii 40-km. Wuxuuna ka mid noqonayaa
deegaannada soo galay gacanta dowladda Somalia.
Qabsashada
Biyo-cadde oo caan ku ah ganacsiga maalmaha Jimcaha ayaa waxay kusoo
beegmaysaa xilli dhawaanahan Gobolka Shabeellada Dhexe ka jireen
dhaqdhaqaaqyo ciidan oo ka dhan ah Al-shabaab.
Ugu
dambeyn, Xarakada Al-shabaab ayaan weli ka hadlin la wareegista saakay
lagala wareegay deegaanka Biyo-cadde ee gobolka Shabeellada Dhexe,
kaasoo ka mid ahaa deegaannadii ay gacanta ku hayeen.
Add New Comment
|
|
|