Qaraxyo ismiidaamin oo lagu qaaday Garoonka Diyaaradaha Caalamiga ee Muqdisho
Laba qarax oo aan waxba u dhaxeynin oo ismiidaamin ahaa ayaa goor dhaweyd ee maanta lagu qaaday Garoonka Diyaaradaha Caalamiga ee Muqdisho, iyadoo labadaasi qarax ay fuliyeen naftii hurayaal watay Gawaare laga soo buuxshay waxyabaha aadka u qarxa.
Qaraxan oo dhacay abaarihii 2-dii Duhurnimo ayaa warar is khilaafsan ka soo baxayaan, waxaana halka Gaariga ku qarxay la sheegay inay aheyd afaafka hore ee irida laga galo Garoonka Diyaaradaha halkasoo ay ammaanka garoonka si weyn u illaalinaayeen ciidamada AMISOM.
Wararka
qaar ayaa sheegaya in Waxa is qarxiyay ay ahaayeen labo Gaari oo kala
ahaa Runeet iyo Kaarib, waxaana sida la sheegay marka hore is qarxiyay
gaariga Kaaribta iyadoo xiligaasi kadibba kooxo kale oo ku labisanaa
dareeska ciidamada dowladda oo ka soo dagay gaariga kale ee Runeetka
ahna ay gudaha Garoonka ku fureen rasaas xoogan.
Hugunka qaraxyada ayaa si weyn looga maqlay magaalada Muqdishu ,waxaanu qaraxyadani ay yihiin kuwa Xarrakada Al Shabaab la beegsato Dowladaad taasoo bishii Agosto 24 dii Hotelka MUNA oo ay degenaayeen Xildhibaano ka tirsan Baarlamaanka ay weerar isniidaamin iyo toogasho ku qaadeen ciidaan ka tirsanaa Al Shabaab, weerarkaasoo keentay inay ku dhintaan 37 ruux oo ay ka mid ahaayeen Xildhibaano iyo Saraakiil ka tirsanaa Dowladda KMG ah ee Soomaliya.
Lama oga qasaaraha labadaasi qarax ee ismiidaaminta ahaa ay geysteen
waxaase lagu wadaa inay ku dhinteen kuna dhaawacmeyn askar ka tirsan
ciidamada AMISOM iyo ku Dowladda KMG ah ee Soomaaliya .
wixii war kasoo baxa kala soo xirriira www.silgor.com
Add New Comment
|
|
|