Soomaalida ka ganacsata dalka koonfurta Afrika oo dil iyo dhac loogu geysto Dukaamadooda
Kooxo hubeysan oo Afrikaan ah, ayaa xalay tuulo ku dhow magaalada Cape-town ee dalka koonfurta Afrika ku dilay laba ganacsade Soomaali ah oo la kala yiraah Xuseen Maxamuud Carraale iyo Mahad Maxamuud, iyadoo saddexd kalana ay halkasi uu dhaawac kasoo gaaray.
Nuur C/rashiid oo ah ganacsade ku sugan tuuladda uu dilku ka dhacay waxa uu sheegay Weerarka in ay soo qaadeen kooxo hubeysan kuwaasoo doonayeen inay dhacaan hantidii taalay dukaamada la weeraray, markii la dilay laba ganacsade oo Soomaali ah oo kala ahaa Xuseen Maxamuud Carraale iyo Mahad Maxamud Xantiire ,waxaa ay dileen nin Itoobiyaan ah, sidoo kale waxaana ay dhaawaceen saddex qof oo Soomaali ahaa kuwaasoo kal ahaa Aweys Axmed Ciise, Maxamuud Axmed Cabdulle iyo Shire Calasow Cabdulle , kooxihii dilka geystayna way baxsadeen ayagoo aan waxba ka qaadin hantida tiilay Dukankaasi.
Booliiska deegaanka uu dilkan ka dhacay markii uu soo gaaray goobta waxay sameeyeen baaritaanno aan sidaasi u sii weyneyn ayagoo caadeystay in aanay sii dabagelin Tuugada joogtaysatay inay dhac iyo dilba u gaystaan Soomaalida ka ganacsatada inta badan Tuulooyinka, weerarkan waxa uu qayb ka noqonayaa dagaal iyo dil lagu hayo ganacsatada ajnabiga ah ee ku nool dalka Koonfurta Afrika.
Tirakoob la sammeeyay Ilaa hadda tirada dilka wuxuu maryaa 28 qof sedexd bilood gudahood dhaawaca iyo dhacana waa tirakoob beeleen,Soomaalida ganacsata dalka koofurta Afrika waa badan yihiin sidaasi darteed lama wada ogaan karo qasaaraha dhabta ah oo ay geystaan kooxaha hubaysan ee sida joogta ah dhaca iyo dilka u gaysto dhibka ganacsatada ajaanibka oo ay Soomaalidu ay ka mid tahay.
Sheekh Cali Hadaafoow oo ka mid ah Culimada Somaliyeed ee ku sugan dalka koonfurta Afrika oo la hadlay dadka ka soo qeyb galay aaska marxuumka Mahad Maxamud Xantiire ayaa sheegay in dhibaatada joogtada ah lagu hayo Ganacsatada Somalida sida kaliya oo looga bixi karo ayuu yiri sheekha in gacmaha lays qabsado oo la yeesho maamul la xisaabtami kara dowladda ka talisa dalka Koonfurta Afrika maadama Somalida noqtay kuwa sida joogtada ah loo ugaarsado hantidooduna loo dhaco.
Add New Comment
|
|
|