Madaxweynaha Soomaaliya Mudane Sheekh Shariif Sheekh
Axmed ayaa maanta salaaddii Jimcaha kaddib xafiiskiisa
ku qaabilay Safiirka Yemen u Fadhiya Soomaliya Danjire
Axmed Cumar Xamiidi.
Safiir Xamiidi waxa uu Madaxweynaha gaarsiiyey dhambaal
salaan ah oo uu uga wadey Madaxweynaha dalka Yemen
Cali Cabdalla Saalax isaga oo u sheegay in dowladda
Yemen ay si buuxda u taageersan tahay dadaaladda uu
Madaxweynuhu ugu jiro in Soomaaliya loogu soo celiyo
Qaranimo buuxdo.
Dhankiisa Madaxweyne Sheekh Shariif waxa uu Safiirka
uga mahad naqay taageerada buuxda ee dowladda iyo
Madaxweynaha Yemen ay Soomaaliya u hayaan, waxa uuna
u rajeeyey dadka, dowladda iyo Madaxweynaha Yemen
guul iyo horumar.