Wararka ka imanaya waddanka Jamhuuriyadda Jabuuti ayaa sheegaya inuu is dilay taliyihii Ciidamada Jandermariga ee dalka Jabuuti Cabdi Boqorre kaasoo meydkiisa laga helay gurigiisa iyadoo ay ku yaalaan dhowr xabbadood.
Hase ahaatee, ehelada taliyaha ayaa rumeysan in la toogtay,oo uusan isaga is dilin,taasoo kalliftay dowladu inay baaritaan ku sammeyso cida ka dambeysay dilka taliyaha ciidanka Jandarmariga ee waddanka Jabuuti.
Madaxa Xisbiga PND ee dalka Jabuuti Adan Roble Cawale oo saxaafada la hadlay ayaa sheegay inaysan cadeyn cida ka dambeysa dilka taliyaha ,waxa kale uu sheegay qosykiisu inay qabaan in la dilay taliya.
Ma jirto cid sheegatay inay ka dambeysay dilka taliye Cabdi Boqorre.
Madaxweynaha dalka Jabuuti Ismaaciil Cumar Geelle ayaan weli ka hadlin dilka sarkaalkan, waxaana lagu soo beegay dilkiisa iyadoo dastuurka wadanka Jabuuti la beddelay si loogu suurtageliyo Madaxweyne Geelle mar sadexaad inuu isku soo taago doorashada Madaxweynenimo ee dalkaasi.